Людзі – наш галоўны патэнцыял, таму бясьпека супрацоўнікаў стаіць на першым месцы. Адначасова з гэтым, мы ня можам даць гарантыю, што з вамі нічога ня здарыцца. Краіна знаходзіцца ў стане вайны, і трэба быць гатовым да арышту і катаваньняў.

Каманда руху складаецца з прафэсыяналаў па лічбавай бясьпецы, удзельнікаў баявых дзеяньняў ва Ўкраіне, актывістаў, дысідэнтаў, бізнэсмэнаў і работнікаў грамадзянскага сэктару. Мы прыкладзем усе намаганьні, каб не дапусьціць захопу нашых супрацоўнікаў у Беларусі.

Разьдзяленьне роляў на выканаўцаў і вэрыфікатараў дазволіць зьменшыць рызыку і падзяліць абавязкі. Усім нашым супрацоўнікам будуць забяспечаныя справядлівыя ўмовы праз годную кампэнсацыю, адпаведна ўзроўню адказнасьці і рызыкі.

Мы адкрытыя для прапановаў і гатовыя выплочваць кампэнсацыі за выкананьне вашых партызанскіх ідэяў, а таксама за ўнутраную інфармацыю з дзяржаўных ворганаў і прадпрыемстваў.

Нацыянальна-вызваленчы рух “Пара!” фінансуецца за кошт прыватных ахвяраваньняў беларусаў. Каб ахвяраваць на патрэбы руху, калі ласка, зьвяжыцеся з намі ў Telegram з дапамогай кнопкі ніжэй.

Мы разумеем, якую небясьпеку нясе служба па абароне радзімы, і таму мы верым, што кожны выканаўца павінен атрымаць кампэнсацыю, якая адпавядае наяўным рызыкам. Кожны, хто працуе з намі, праходзіць абавязковы трэнінг па тактычнай бясьпецы. Мы будзем працягваць супрацоўніцтва з выканаўцамі на сталай аснове.